2024 жылдың 2 сәуірінде Қостанай облыстық тарихи-өлкетану музейінің бейнелеу өнері бөлімінде «Шуақты Грузия бояулары» атты музейдің қор жиынтығындағы Грузия суретшілерінің кескіндемелік туындыларының көрмесі ашылды.
Қостанай облыстық тарихи-өлкетану музейінің қор жиынтығында Грузия бейнелеу өнерінің көрнекі жиынтығы сақталған. Жиынтықты бір кездері Қазақ мәдениеті қорының Қостанай облыстық бөлімшесі жинақтап, 1995 жылы музей қорына тапсырған. Грузияның танымал суретшілерінің 80-нен астам кескіндеме және графика туындылары аймақтағы бейнелеу өнерінің даму жолдарын кейде нүктелі сызықтармен көрсетуге мүмкіндік береді.
Көрмеде академиялық мектептен импрессионизмге дейін, аңғырт өнерден мағынасыз өнерге дейін түрлі буын ұрпақтары мен әртүрлі стильдік қозғалыстарға жататын бейнелеу өнерінің туындылары ұсынылған. Жиынтыққа отандық және әлемдік өнер қазынасына танымал шеберлердің туындылары енген. Күнгей Кавказ өнері өзіндік бояуымен және әдемілігімен ерекшеленеді.
Көрменің негізгі идеясы - грузин өнерінің ұлттық ерекшелікті ескеріп, өте нәзік бейімделуімен сипатталатын бай көркем мұрасын көрсету. Көрме жобасы грузин өнерінің көркемдік әлемінің кең ауқымын, сондай-ақ мәдениеті мен тарихы көптеген ғасырлар бойы тығыз байланысты Грузия мен Қазақстан арасындағы қарым-қатынастардың маңыздылығын көрсетуге арналған. Суретшілердің туындыларына әсем табиғат, адамдар, әдет-ғұрып, тарих, көне дәстүрлер арқау болған. Олардың бәрін ата-бабаларының туған жеріне, ежелгі мәдениетіне деген сүйіспеншілік біріктіреді.